“УВСЫН ЦЭНХЭР ХЯЗГААР-2022” БАРУУН БҮСИЙН ШҮҮХҮҮДИЙН СПОРТЫН НААДМЫГ ЗОХИОН БАЙГУУЛЛАА

Баруун бүсийн шүүхийн байгууллагуудын шүүгч, ажилтнууд оролцсон  \" Увсын цэнхэр хязгаар-2022” спортын наадмыг Увс аймгийн Улаангом суманд 2022 оны 06 дугаар сарын 10-наас 2022 оны 06 дугаар сарын 11-ний өдрүүдэд Увс аймгийн шүүхийн хамт олон зохион байгууллаа. Спортын наадамд Ховд , Баян-Өлгий, Завхан, Говь-Алтай, Увс, Ховд аймгийн  Булган сум дахь Сум дундын шүүх, Завхан аймгийн Тосонцэнгэл сум дахь Сум дундын шүүхийн баг тамирчид оролцож дартс, шатар, теннис, сагсан бөмбөг, гар бөмбөг гэсэн спортын 5 төрлийн хүрээнд өрсөлдлөө.

          1.Дартс төрөлд:

          Эрэгтэй :

1-р байр -Баян-Өлгий аймгийн шүүхийн тамирчин, мэдээлэл технологийн мэргэжилтэн Т.Рашат

2-р байр-Завхан аймгийн шүүхийн тамирчин, Эрүүгийн хэргийн анхан шатны шүүхийн шүүгч П.Доржбал

3-р байр-Говь-Алтай аймгийн шүүхийн тамирчин, Эрүүгийн хэргийн анхан шатны шүүхийн шүүгч Г.Мөнхтулга

          Эмэгтэй:

1-р байр-Завхан аймгийн Тосонцэнгэл сум дахь Сум дундын шүүхийн тамирчин, шүүгчийн туслах Б.Энхриймаа

2-р байр-Баян-Өлгий аймгийн шүүхийн тамирчин, шүүх хуралдааны нарийн бичгийн дарга Н.Ахмарал

3-р байр-Завхан аймгийн шүүхийн тамирчин, архив бичиг хэргийн эрхлэгч М.Лхагвадэмбэрэл

           2.Шатрын төрөлд:

            Эрэгтэй:

1-р байр-Завхан аймгийн Тосонцэнгэл сум дахь Сум дундын шүүхийн тамирчин,ажилтан Л.Цэрэннадмид

2-р байр-Баян-Өлгий аймгийн шүүхийн тамирчин, Иргэний хэргийн анхан шатны шүүхийн Ерөнхий шүүгч Х.Мейрамбек

3-р байр-Говь-Алтай аймгийн шүүхийн тамирчин, Давж заалдах шатны шүүхийн шүүгч Ч.Энхтөр

            Эмэгтэй

1-р байр-Увс аймгийн шүүхийн тамирчин,архивын ажилтан П.Янжиндулам

2-р байр-Завхан аймгийн шүүхийн тамирчин, Иргэний хэргийн анхан шатны шүүхийн шүүгч Т.Балжинням

3-р байр-Говь-Алтай аймгийн шүүхийн тамирчин, шүүгчийн туслах П.Эрдэнэцэцэг

           3.Теннисийн төрөлд:

Эрэгтэй

1-р байр-Завхан аймгийн Тосонцэнгэл сум дахь Сум дундын шүүхийн тамирчин, мэдээлэл технологийн мэргэжилтэн Б.Баттулга

2-р байр-Баян-Өлгий аймгийн шүүхийн тамирчин, Давж заалдах шатны шүүхийн Ерөнхий шүүгч С.Өмирбек

3-р байр-Ховд аймгийн шүүхийн тамирчин, шүүгчийн туслах Х.Мянганбаяр

Эмэгтэй

1-р байр-Ховд аймгийн шүүхийн тамирчин, нягтлан бодогч Б.Мөнхбаяр

2-р байр-Завхан аймгийн шүүхийн тамирчин, Эрүүгийн хэргийн анхан шатны шүүхийн шүүгч З.Нандинцэцэг

3-р байр- Говь-Алтай аймгийн шүүхийн тамирчин, шүүгчийн туслах Б.Ундармаа

1. Гар бөмбөгийн төрөлд:

Эрэгтэй

1-р байр-Завхан аймгийн Тосонцэнгэл сум дахь Сум дундын шүүхийн баг тамирчид

2-р байр-Ховд аймгийн шүүхийн баг тамирчид

3-р байр-Ховд аймгийн Булган сум дахь Сум дундын шүүхийн баг тамирчид

Эмэгтэй

1-р байр-Ховд аймгийн Булган сум дахь Сум дундын шүүхийн баг тамирчид

2-р байр-Завхан аймгийн шүүхийн баг тамирчид

3-р байр-Говь-Алтай аймгийн шүүхийн баг тамирчид

1. Сагсан бөмбөгийн төрөлд:

            Эрэгтэй

1-р байр-Увс аймгийн шүүхийн баг тамирчид

2-р байр-Баян-Өлгий аймгийн шүүхийн баг тамирчид

3-р байр-Завхан аймгийн Тосонцэнгэл сум дахь Сум дундын шүүхийн баг тамирчид

            Эмэгтэй

1-р байр-Баян-Өлгий аймгийн шүүхийн баг тамирчид

2-р байр-Ховд аймгийн шүүхийн баг тамирчид

3-р байр- Завхан аймгийн Тосонцэнгэл сум дахь Сум дундын шүүхийн баг тамирчид

Багийн нийлбэр дүнгээр:

1-р байр- Баян-Өлгий аймгийн шүүхийн баг тамирчид

2-р байр –Завхан аймгийн Тосонцэнгэл сум дахь Сум дундын шүүхийн баг тамирчид

3-р байр- Говь-Алтай аймгийн шүүхийн баг тамирчид тус тус шалгарлаа.

• 2022-06-16 12:22:54
• Дэлгэрэнгүй

Шүүгчийн туслах, шүүх хуралдааны нарийн бичгийн даргын цалинг шинэчлэн тогтоолоо

Шүүгчийн туслах, шүүх хуралдааны нарийн бичгийн даргын албан тушаалын цалинг хоёр дахин нэмэгдүүлэх тухай  УИХ-ын 2021 оны 03 дугаар тогтоолын 1.2 дахь хэсгийг хэрэгжүүлэх асуудлыг Засгийн газар өнөөдрийн хуралдаанаараа авч хэлэлцжээ. Тус УИХ-ын тогтоолын хэрэгжилтийг хангаж, шүүгчийн туслах, шүүх хуралдааны нарийн бичгийн даргын албан тушаалын цалингийн хэмжээг 2022 оны 05 дугаар сарын 01-ний өдрөөс нэмэгдүүлэн тогтоохоор шийдвэрлэжээ. Үүнд төрийн захиргааны албан тушаалын ТЗ-6, ТЗ-5 зэрэглэлд хамаарах албан тушаалын цалинг 2 дахин, төрийн захиргааны албан тушаалын АА-9, АА-10 зэрэглэлд хамаарах албан тушаалын цалинг 1,7 дахин нэмэгдүүлэхээр тус тус тогтоожээ.

Хэвлэл мэдээллийн хэлтэс

• 2022-05-11 10:26:14
• Дэлгэрэнгүй

“НЭЭЛТТЭЙ ХААЛГАНЫ ӨДӨРЛӨГ” ЗОХИОН БАЙГУУЛЛАА

Монголын хуульчдын холбооны Увс аймаг дахь салбараас тус аймгийн Шүүхийн Тамгын газартай хамтран “Хуульчийн про боно өдөрлөг”-ийг 2022 оны 5 дугаар сарын 01-ний өдөр Увс аймгийн төв талбайд зохион байгууллаа. Энэ удаагийн хуульчийн про боно өдөрлөг улс орон даяар нэгэн зэрэг “Хүүхдийг гэмт хэргээс урьдчилан сэргийлэх нь Та бидний үүрэг” сэдвээр зохион байгуулагдаж, шүүхийн захиргааны ажилтнууд иргэдийн хүссэн асуултад хариулт өгч, шүүхэд нэхэмжлэл, гомдол, хүсэлт гаргах загвар, гарын авлага тарааж, шүүхийн болон эвлэрүүлэн зуучлагчийн үйл ажиллагааг танилцуулсан байна. Уг өдөрлөгт иргэд идэвхтэй хамрагдаж, сонирхсон, мэдэхийг хүссэн асуултаа чөлөөтэй асууж, дэлгэрэнгүй мэдээлэл авснаар про боно өдөрлөг амжилттай болж өндөрлөлөө.

• 2022-05-09 10:37:37
• Дэлгэрэнгүй

БАРУУНТУРУУН, ЗҮҮНГОВЬ СУМДАД АЖИЛЛАВ

Шүүхийн Тамгын газрын 2022 оны гүйцэтгэлийн төлөвлөгөөний дагуу Баруунтуруун, Зүүнговь сумдын шүүх хуралд иргэдийн төлөөлөгчөөр сонгогдсон 19 иргэнд, тухайн багийн Засаг дарга нарт Шүүхийн Тамгын газрын дарга Л.Баттулга, эвлэрүүлэн зуучлагчийн туслах Ё.Мөнхгэрэл нар сургалтыг зохион байгуулж, сургалтад хамрагдсан иргэдийн төлөөлөгч нарт гарын авлага тараах материалыг ханган ажиллаа. Шүүхийн тамгын газраас Баруунтуруун, Зүүнговь сумдын засаг даргын тамгын газрын байранд мэдээллийн самбар байршуулсан. “Шүүх хөдөөдөө хөлтэй” байх боломжийг бүрдүүлж суманд ажилладаг төрийн албан хаагчийн хууль эрх зүйн ажилтантай шүүхийн үйл ажиллагааг суртачлах, иргэдийг шүүхтэй холбогдох мэдээллээр хангах, Улмаар хамтран ажиллах Баруунтуруун, Зүүнговь сумын Засаг дарга нарт Шүүхийн Тамгын газрын Л.Баттулга мэдээллийн самбарыг гардуулан өгч цаашид мэдээллийн самбарыг тогтмол мэдээллээр хангаж хамтран ажиллаж байхаа илэрхийллээ.

• 2022-05-02 12:31:52
• Дэлгэрэнгүй

ШҮҮХИЙН ХАРУУЛЫН ЦАГДААГ СОГТУУРЛЫН ЗЭРЭГ ХЭМЖИГЧ БАГАЖААР ХАНГАЛАА

Увс аймаг дахь шүүхийн Тамгын газраас шүүх, шүүгчийн хараат бус, аюулгүй байдлыг хангах, хамгаалах ажлын хүрээнд тус шүүхийн Харуулын Цагдааг шаардлага хангасан согтуурлын зэрэг хэмжигч \"AlcoMate AL2500\" 3 секундийн дотор үр дүнг тодорхойлдог, тандагч болгон ашиглаж болдог, соруул хэрэглэх шаардлагагүй мэргэжлийн багажаар хангаж шүүхийн Харуулын цагдаагийн албанд хүлээлгэн өглөө. Согтуурлын зэрэг хэмжигч багажаар асуудлыг шийдвэрлэснээр шүүхээр үйлчлүүлэгч ард, иргэдэд шүүхийн харуулын цагдаа нараас холбогдох журмаар шүүхээр үйлчлүүлэх, аюулгүй байдлыг ханган ажиллах техникийн боломж бүрдэж байгаагаараа онцлогтой.

• 2022-04-29 12:35:50
• Дэлгэрэнгүй

Шүүхийн ерөнхий зөвлөлийн дарга Д.Зүмбэрэллхам ХЗБХ-ны хуралд байр сууриа илэрхийллээ

Хууль зүйн байнгын хорооны 2022 оны 04 дүгээр сарын 26-ны өдрийн хуралдаанаар Төсвийн тухай хуульд нэмэлт өөрчлөлт оруулах тухай хуулийн төслийг хэлэлцсэн. Тус хуралдаанд Шүүхийн ерөнхий зөвлөлийн дарга Д.Зүмбэрэллхам оролцож, шүүхийн төсвийн талаарх гишүүдийн асуусан асуултад хариулж, хариу тайлбар өгч, шүүх эрх мэдлийг хараат бусаар хэрэгжүүлэх тухай байр сууриа илэрхийллээ.

• 2022-04-28 09:53:35
• Дэлгэрэнгүй